Laudioko Pentsionisten Asanbladak elkarretaratzea egin du eguerdian Laudioko osasun zentroan. Azaldu dutenez, euren sektorea da osasun sisteman kaltetuena: "Duela askotik gertatzen ari zaigu meidkuburuarekin txanda hartzeko astebete itxaron beharra. Horrek zenbait kasu, sukar altua eta beste, larrialdi zerbitzuetan artatu beharra ekarri du".
Erantsi dutenez, botiken ordainketa sistema eraginkortu beharko litzateke, "dagokigunei botiken ordainketa murrizteko ez da horrenbeste agiririk behar". Teknologia berriei, gainera, eskura dute nola Osakidetzak hala farmaziek informazio guztia. "Nafarroako Gobernuak, dirudienez, erreklamazio beharrik gabe aplikatu du", erantsi dute.
Protestaren bidez Osakidetzako goi karguei helarazi nahi izan diete oinarrizko arreta hobetzeko eskaera, baita botiken ordainketaren itzulketa sistema eraginkortzea ere.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
