Aiarako Lurrak kalean irisgarritasuna bermatzeko obra egiteko diru-laguntza eskatuko du udalak

Aitor Aspuru Saez 2018ko abenduaren 23a
Deskargatu Info Ahotsak :

Aiarako Lurrak kalea. / Aiaraldea.eus

Laudioko Udalak Arabako Foru Aldundiari proposatuko dio finantzatzeko Aiarako Lurrak kalean egin behar diren lanak irisgarritasun irizpideak betetzeko.

2019ko Lan Txikien Foru Planaren deialdian zein obra aurkeztuko duen ebatzi du Laudioko Udalak. Berez, Aiarako Lurrak kalean esku hartzeko asmoa dauka erakundeak.

Herriko anbulatorioaren alboan dagoen eremu horretan espaloiek ez dituzte betetzen irisgarritasun irizpideak; ez zabaleragatik, ezta aldapagatik ere.

Horregatik, udalak proposatuko dio Arabako Foru Aldundiari diru-laguntza espaloien zabalera handitzeko 2 metrora heldu arte. Horrez gain, barandak jarriko dituzte, irristadak ekiditeko materialekin tratatuko dute zorua eta lekua seinalatuko dute.

Guztira, obrak 34.410 euroko balioa du eta 6 aste beharko dituzte egikaritzeko. Aldundiko programa horrek 35.000 euroko lanak, gehienez, laguntzen ditu diruz.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide