Enplegu programa berria jarriko du abian Laudioko Udalak, Arabako Foru Aldundiaren diru-laguntza baliatuta. Ostiralean onartu zituzten baldintza-pleguak. Plana egiteko ardura hartzen duen enpresak bost pertsona kontratatu beharko ditu gutxienez. Mendi publikoetan hainbat lan egitea izango da langile horien helburua.
77.298 euroko aurrekontua -BEZ gabe- baliatuko dute enplegu plana garatzeko. Udalaren asmoa da langileak urtarrila amaierarako lanean egotea. Lan deialdia hemendik bi astera aterako da eta interesdunek Lanbiden eman behar dute izena.
Udaberrian
Hori ez da izango udalak abian jarriko duen azken enplegu plana, Iñigo Martinez Cerrillo zinegotziak aurreratu duenez. Ibaia garbitzeko lan-deialdia egingo dute udaberrian, udalaren baliabide propioak erabilita.
Zinegotziak nabarmendu du bi egitasmo berri horiekin 7 direla enplegua sustatzeko udalak martxan dituen proiektuak.
Hemendik bi astera aterako da lan deialdia. Interesdunek Lanbiden eman beharko dute izena.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide