Laudioko Udalak lan-poltsa osatuko du 2019an egingo diren udal hauteskundeetan Administrazioaren ordezkari gisa aritu daitezen hauteslekuetan.
Lau baldintza bete beharko dira horretarako: langabezian egotea, Laudion erroldatua egotea, Batxilergo, LH II edo titulu baliokidea izatea eta Euskarazko C1 maila edo baliokidea izatea.
Zozketa otsailaren 21ean
Otsailaren 19ra arte dago eskaerak aurkezteko epea. Interesdunek udaletxeko sarrera erregistroan entregatu beharko dute dokumentazio guztia. Otsailaren 21ean ebatziko da zeintzuk izango diren lanean arituko diren pertsonak, zozketa bidez.
Udalak nabarmendu du hauteskunde egunean Administrazioaren ordezkari izateak ez duela esan nahi tokiko erakundearekin inolako lan harremanik egongo denik. Horregatik, egun horietan lanean daudenek legez ezarritako diru-kopurua baino ez dute jasoko.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
