Auto istripua izan zuen atzo Iñigo Pedruzok Gasteiztik Laudiora bidean zihoala. Autoak irrist egin zuen euriagatik eta bazter-babesaren aurka egin zuen talka. PPko zinegotzia onik atera zen ezbeharretik, baina autoak kolpe handia hartu zuen.
Sare sozialen bidez azaldu du Pedruzok gertatutakoa, eta politikarien jarduna goraipatzeko baliatu du tartea. “Askotan esaten da politikatik oso ondo bizi dela, baina hori probintzietako hiriburuetan baino ez da gertatzen, liberatua dagoen jendeari. Gainontzekoak musu-truk aritzen dira euren herriaren alde edo, kasurik onenetan, konpentsazio ekonomiko bat jasotzen euren lanetik jasotzeari uzten diotena orekatzeko”, adierazi du PPko zinegotziak.
Lanetik plenora zuzenean
Laneko bilera bat zuen Pedruzok Gasteizen, eta Laudioko Udal Osoko Bilkurara joateko hartu zuen autoa. Istripua medio, berandu iritsi zen plenora. Politikariak eskerrak eman nahi izan dizkie “lehen minututik” beragatik kezkatu diren pertsona guztiei.
Istripua izan zuen Iñigo Pedruzo PPko zinegotziak, Udal Osoko Bilkurara zihoala
Sare sozialetan eman du politikari laudioarrak gertatutakoaren berri. Onik atera zen istriputik, baina autoak kolpe handia hartu zuen.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide