aiaraldea.eus

Gas isuri bat egon da gaur Laudioko etxebizitza-bloke batean

Erabiltzailearen aurpegia Erredakzioa   Kultura  Laudio

Arratsaldean jazo da gertaera, Maestro Elorza eta Zubiko-Kurajo kaleak batzen diren gunean. Konponduta dago dagoeneko arazoa eta ez dago arriskurik.

Gas isuri bat egon da gaur Laudioko etxebizitza-bloke batean
Suhiltzaileez gain, Ertzaintza eta Udaltzaingoa ere bertaratu dira. / Aiaraldea.eus | Ikusi handiago | Argazki originala

Suhiltzaileak hurbildu dira gaur arratsaldean Laudioko Maestro Elorza eta Zubiko-Kurajo kaleak batzen diren tokira, bertako etxebizitza batean gas isuri bat gertatu delako. Suhiltzaileek gas-emaria eten dute eta Naturgaseko kideak bertaratu diren arte egon dira zain. Enpresako teknikariek ikusi dute gas-sistemako pieza bat apurtua zegoela. Gauzak hala, gas gabe geratu dira etxebizitza-blokeko kideak, matxura konpondu arte.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa