Laudioko Txirrindulari Elkarteak hamaikagarrenez antolatu du proba. Guztira, ia 80 kilometroko ibilbidea utzi dute atzean partaideek. Sailkapen orokorrean David Busto nagusitu da, Gartxot Guisasola eta Iñigo Burgosen aurretik.
Laudioko Master Klasikoaren 11.edizioa hasi berri da: pic.twitter.com/By234YwiiP
— Aiaraldea.eus (@aiaraldea) 2019(e)ko otsailaren 9(a)
Eliteen mailan, berriz, Peru Arrasate izan da azkarrena, Iñigo Muñoz eta Mikel Lupiañez bigarren eta hirugarren sailkatuen denbora marka gainditu ostean.
Master 30 kategorian David Bustok lortu du lehen postua, Jonatan Correak bigarrena eta Iban Gonzalezek hirugarrena. Master 40ko lehenbiziko hiru sariak, aldiz, Gartxot Gisasolarentzat, Iñigo Burgosentzat eta Unai Aguirrebeñarentzat izan dira. Gisasolak eta Burgosek, gainera, sailkapen orokorreko bigarren eta hirugarren postuak erdietsi dituzte.
Edadetuenen artean, Master 50 mailan lehenbizikoa helmugaratzen David Melendez izan da, bigarrena E. Gonzalez de Ubieta eta hirugarrena Enrique Saez.