Kulturkonek Kasinoa hartuko du otsailean eta, gainera, irteera egingo dute Azpeitira
Erredakzioa
2019ko ots. 14a, 06:45
Laudioko Kultura Asanbladak Kasinoa musikaz eta dantzaz beteko du berriro. Herriko kulturari buruz hausnartzeko tarteak ere sortuko dituzte. Hori dela eta, Azpeitira joango dira ostiralean bertako ehun kulturala ezagutzeko eta otsailaren 23an bilera deitu dute.
Laudioko Kultura Asanbladak Kasinoa elikatzen jarraitu nahi du eta horregatik ekin dio Kulturkon antolatzeari berriro otsailean. Kontzertuak eta dantzaldiak eskaini ez ezik, herriko kultura sorkuntza eta kokapenaren inguruko hausnarketa ere bultzatu nahi dute.
Berez, hurrengoak izango dira hilabete honetako hitzorduak:
Otsailaren 14an: Txangoa Azpeitira. Laudioko tamaina bereko herri horrek kudeaketarako eredu komunitarioa garatu du 24 laguneko kooperatibaren bitartez. Horrez gain, bere gain hartzen du zinema-antzoki bat eta sorkuntzarako lantegia. Halaber, Europako dantza, antzerki eta musika foro eta sareetan parte hartzen du.
Otsailaren 17an: Izaskun del Cerro eta artista talde baten eskutik, piano, olerki eta dantza emanaldia. 18:30ean hasiko da.
Otsailaren 21ean: Dantzak 18:00etan.
Otsailaren 22an: Dantza-plaza Itxarkundiak antolatuta 19:30ean.
Otsailaren 23an: Goizean elkarte eta herritar interesdun guztiek partekatuko dituzte euren ideiak proposatzeko nola gorpuztu behar den Laudioko kultura sorkuntza.
Jarduerak ordaintzeko asmoz, antolakuntzak 1, 3 eta 5 euroko bonoak jarriko ditu salgai. Horiekin eta erakundeen laguntzekin egingo diote aurre materialen eta bidaien gastuei.
Urtarrilean ekin zioten Kultura Arratsaldeak Kasinoan ekimena gauzatzeari:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
