Bakarrik bizi diren 80 urtetik gorako 155 lagunei su-detektagailua jarri die udalak
Aitor Aspuru Saez
2019ko ots. 25a, 07:35
Laudioko Udalak jakinarazi du 80 urtetik gorako 1500 pertsona baino gehiago daudela udalerrian eta horietako 155ri jarri dietela su-detektagailua, bakarrik bizi direlako.
Laudioko Udalak 80 urtetik gorako herritarren artean ikerketa abiatu zuen 2016an. Horren ondorioz, erakundeak jakin izan zuen udalerrian 1500 lagun baino gehiago daudela adin tarte horretan:
Horien artean 225 guztiz bakarrik bizi ziren azterketa egiterakoan eta tokiko zerbitzu publikoek behatu zuten isolatuak bizi ziren edo ez, besteak beste.
Herritar horientzat bideratu zuten su-detektagailuen programa, euren segurtasuna bermatzeko eta euren egoera gehiago kontrolatzeko. Kolektibo horren %75ak onartu zuen tresna jartzea etxean, guztira, 155 lagun.
%18ak ukatu zuen eskaintza eta besteen egoera aldatu da. Hau da, senideekin bizitzera jo dute edo nagusien egoitzan daude orain.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
