aiaraldea.eus

Inkesta bat atondu du Omniak, bizilagunei “parte hartze erreal eta eraginkorra” gerturatzeko

Erabiltzailearen aurpegia Erredakzioa   Politika  Laudio

"Programa parte hartzailea" garatzeko baliatuko dituzte galdetegiaren bidez jasotzen dituzten  emaitzak.

Inkesta bat atondu du Omniak, bizilagunei “parte hartze erreal eta eraginkorra” gerturatzeko
Herriko etxeetara bidali dute galdetegia. / Omnia | Ikusi handiago | Argazki originala

Ekimen berri bat jarri du Omniak martxan. Alderdi politikoak inkesta bat bidali die bizilagunei, egin dituzten asanbladetan eta antolatu dituzten puntu parte-hartzaileetan jasotako iritziak aztertu ostean.
Hiru bloketan banatu dute galdetegia: Lurraldea, Hiritargoa eta Antolakuntza. Hainbat galdera planteatzen dituzte bloke bakoitzean, eta amaieran aukera ematen diete bizilagunei euren iritzia plazaratzeko. Era berean, galdetegia entregatzeko hainbat aukera ematen dituzte.

Galdetegia etxean jasotzen ez dutenentzat, alderdiak hainbat bide jarri ditu eskura:  omniainiciativaekimena@gmail.com helbidera mezu bat bidaltzea, 688 84 91 58 whatsapp zenbakira idaztea edo Omniaren egoitzara jotzea (Oketa kalea 12, behea).

Inkestan lortutako emaitzak baliatuko ditu alderdiak udal-hauteskundeei begirako "programa parte hartzailea" garatzeko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa