Auto batek oinezkoa harrapatu du Virgen del Carmen kalean

Erredakzioa 2019ko otsailaren 28a
Deskargatu Info Ahotsak :

Anbulantzia batean sartu dute zauritutako oinezkoa. / Aiaraldea.eus

13:00ak aldera gertatu da istripua eta anbulantzia batek artatu du harrapatutako oinezkoa. Zerbitzu medikuek babes psikologikoa eskaini diote autoaren gidariari.

13:00ak aldera harrapaketa jazo da Virgen del Carmen kalean, anbulatoriotik gertu dagoen zebrabide batean. Osasun zentroa hurbil dagoenez, bertako medikuek lagundu dute larrialdiko zerbitzuen esku hartzean. Adibidez, oinezkoa harrapatu duen autoaren gidariari babes psikologikoa eman diote.

Berez, harrapatutako pertsona nagusia da eta kontziente zegoen artatu dutenean. Ertzaintzak adierazi du hematoma bat zuela buruan, besteak beste. Suhiltzaileak ere bertaratu dira lekura.

Udaltzaingoaren esku geratu da argiketak egitea. Agente batek azaldu du agian bihar arte ez dutela prest izango txostena.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide