aiaraldea.eus

Laudiotik aterako da Sahararen aldeko XV. Euskal Karabana, bihar

Erabiltzailearen aurpegia Erredakzioa   Jendartea  Laudio

Zazpi trailer abiatuko dira Laudiotik, 250 tona elikagairekin. Horietatik 3,7 Aiaraldean jasoak dira. 10:00etan izango da ekitaldia, Gurutze Gorriaren egoitzaren alboan.

Laudiotik aterako da Sahararen aldeko XV. Euskal Karabana, bihar
Ez da karabana Laudiotik ateratzen den lehen aldia izango. / Aiaraldea.eus | Ikusi handiago | Argazki originala

Laudiotik abiatuko da Sahararen aldeko XV. Euskal Karabana. Bihar egingo dute ekitaldia, 10:00etan Gurutze Gorriaren egoitzaren aurrean. Zazpi elikagai trailer abiatuko dira Tindoufeko (Aljeria) errefuxiatuen kanpalekuetara, bertan dagoen elikadura krisi larria arintzeko asmoz.

250 tona elikagai eramanago dituzte guztira. Horietatik, 3,7 tona Aiaraldean jaso dira, urte hasieran hainbat saltokitan eginiko bilketetan. Saharako Errepublika Arabiar Demokratikoaren aldeko erakundeen antolatu dute karabana, Ilargi Erdi Gorriaren eskaerari erantzunez. “Piztu itxaropena” izango da egitasmoaren lema.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa