Larunbatean jokatu zen Laudioko Mugagabe Traila eskualdeko mendietan barrena. Besteak beste, Goikogane, Kamaraka eta Gallarraga tontorrak zeharkatu zituen ibilbideak. Jendetzak hartu zuen parte bi probetan. Argazki galeria osoa Mugagabe-Trail Laudio Facebook kontuan argitaratu dute, bildumaka. 10 kilometroko lasterketako sailkapena sarean dago ikusgai, baita 29 kilometroko norgehiagokarena ere. Parte hartzeari dagokionez, 185 lagunek hartu zuten parte zirkuitu luzean (horietatik 7 emakumeak ziren) eta 184k, berriz, laburrean (41 neskek).
Podiuma
Ibilbide luzean, Oihana Arratibel izan zen azkarrena emakumeen artean (Aiaramendi), Zenaide Alvarez (Aiaramendi) ondoren, eta Izaskun Larrinaga hirugarren (Orkatzak). Gizonezkoei dagokienean, berriz, Iñaki Isasi (Aiaramendi) izan zen aurrenekoa helmugaratzen, Pello Moreno bigarren (Amurrio Trail), eta Joseba Urbano hirugarren (Aiaramendi).
Lasterketa laburreko podiuma ez zen eskualdean osotasunean geratu. Emakumezkoen kategorian Nerea Eugenia Iturriaga izan zen garailea, Maider Urtaran bigarrena eta Maite Solaun hirugarrena. Hiruak ala hirurak norbanako gisa aurkeztu ziren. Gizonezkoetan, aldiz, Ander de Luis Cabezon izan zen txapeldun (Soraluze M.T), Hanot Echevarria (Trail Team Bizkaia) bigarrena eta Iker Echevarria (Trail Team Bizkaaia) hirugarrena.