Laudion egingo ditu Gazte Koordinadora Sozialistak Araba eta Bizkaiko topaketak

Erredakzioa 2019ko mar. 15a, 07:09
Deskargatu Info Ahotsak :

Otsailea aurkeztu zuten Gazte Koordinadora Sozialista. / Gedar

Apirilaren 5etik 7ra gauzatuko ditu Gazte Koordinadora Sozialistak topaketak Laudion. Erakunde jaioberriaren lehe ekimen publikoa izango da.

Gedar langile kazetan jakitera eman dutenez, Laudion elkartuko dira Araba eta Bizkaiko hainbat gazte apirilean. Gazte Koordinadora Sozialistak antolatu du ekimena, eta asteburu osoko egitaraua prestatu dute: 

 

Ekimenak trebakuntza, hausnarketa politikoa eta aisialdia uztartuko ditu. Topaketak antolatzearen zergati eta helburuak Gedar langile kazetaren webgunean azaldu dituzte. "Gizarteak sortzen duen despolitizazioaren aurrean guri bizitza politikoa sustatzea dagokigulako antolatu ditugu topaketa hauek", adierazi dute. 

Lehen ekimen publikoa
Gazte Koordinadora Sozialistak egingo duen lehen ekimen publikoa izango da Laudiokoa. Jakinarazi dutenez, bazkariak, afariak eta lo egiteko tokia eskainiko dituzte topaketetan. 15 euroko bono-laguntzak jarriko dituzte salgai horretarako. Datozen egunetan zehaztuko dituzte salmenta puntuak.

Otsailean aurkeztu zen Gazte Koordinadora Sozialista Gasteizko Auzolana pilotalekuan, "Gazte problematikaren auziari klase perspektibatik erantzuteko".

Politika Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide