Laudioko Udalak adierazi du Zubiko Etxearen alboan dagoen metalezko zubia behin betiko eraisteko kontratuaren esleipena egin duela. Hasierako aurrekontua 105.345 eurokoa bazen ere, 77.000 euroren truke egingo ditu lanak enpresa irabazleak.
Hurrengo 15 egunetan prozedura legala jarraiki, zenbait dokumentazio onartu beharko du udalak, eta apirilean kenduko dute zubia, ADIF enpresarekin koordinatuta eta gauez. Horretarako bi aste izango dituzte.
Jon Ander Altube alkateordeak adierazi du obrak gauzatu baino lehen jakinaraziko dietela auzokideei zer eragozpen mota sortuko dituzten lanek. Besteak beste, errepidea moztu beharko dute.
Zubiaren eraikuntzak hautsak harrotu zituen 90eko hamarkadan, eta dagoeneko funtsezko irizpideak ez ditu betetzen; irisgarritasuna, adibidez. Horrez gain, duela 4 urte tren geltokiaren alboan dagoen tunela zabaldu zuten eta ia inork ez du erabiltzen egun metalezko azpiegitura.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
