Gaztefilm Fest zinema jaialdian eskainiko dituzten pelikula laburrek epaimahai zorrotza gainditu behar izan dute emanaldietan egoteko. Izan ere, Laudio Institutuko eta Laudio Ikastolako ikasleek erabaki dute zeintzuk ikusi ahalko diren.
Helena Gonzalez antolatzaileak argitu du jaialdiaren helburua dela gazteak parte aktiboa izatea eta horrek ahalegina eskatzen duela. Gauzak horrela, aurreko hilabeteetan herriko ikasleek ikusi eta aukeratu dituzte hurrengo asteburuan eskainiko diren film laburrak.
Uxue Derecho, Swati Tewatia, Eder Laparra eta Sandra Arnaiz Laudio Ikastolako gazteek prozesu horretan parte hartu dute eta adierazi dute lan zaila izan dela. "Kanpoan pelikula interesgarriak geratu dira, Aeronauts, adibidez" esan du Parrak.
Swati Tewatia nabarmendu du filmeek jorratzen dituzten hainbat gai euren egunerokotasunean daudela maiz: "baina ez ditugu eztabaidatzen gure artean".
Amets Meatza alkateordeak goraipatu du jaialdia bat egiten duela Laudio Top Zinema programaren filosofiarekin: "gazteekin zenbait balio lantzea pelikulen bitartez".