Lezo Urreztieta kontrabandistari buruzko filma ikusteko aukera egongo da gaur eta asteazkenean
Aitor Aspuru Saez
2019ko mar. 17a, 12:51
Jainkoak ez dit barkatzen dokumentala eskainiko dute gaur 17:30ean eta asteazkenean 18:30ean Laudioalde ikastetxeko aretoan.
Josu Martinez zinemagileak egindako Jainkoak ez dit barkatzen filma proiektatuko dute gaur 17:30ean eta asteazkenean 18:30ean Laudion, Lanbide Heziketako Ikastetxeko aretoan, hain zuzen. Bigarren emanaldian zuzendariak berak parte hartuko du.
60 minutuko dokumentalak Lezo Urreztieta kontrabandistaren bizitza kontatzen du. Legez kanpoko mugalaria faxismoaren kontrako borrokan sartu zen buru-belarri 1936ko estatu kolpearen ostean eta hainbat abentura bizi izan zituen, guda bukatu zenean erresistenteak muga gurutzatzen lagundu baitzituen.
Pelikula Donostiako Zinemaldian estreinatu zuten 2018an eta kritika oso onak jaso ditu. Martin Ugaldek egindako elkarrizketen bitartez osatu du filma Josu Martinez zinemagileak. Hau ez da, inondik inora, bilbotarrak sortu duen lehen biografia. Izan ere, aurretik Itsasoaren alaba ekoiztu du, besteak beste.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.