aiaraldea.eus

Laudioko Udalak findu beharko du herritarren datuen tratamendua, Datu Babeserako Agentziak ohartarazi ostean

Erabiltzailearen aurpegia Aitor Aspuru Saez   Jendartea  Laudio

Datuen Babeserako Euskal Agentziak oharra bidali dio Laudioko Udalari adierazteko herritarren datuak tratatzeko prozedura aldatu beharko duela eta horri ekingo dio erakundeak berehala.

Laudioko Udalak findu beharko du herritarren datuen tratamendua, Datu Babeserako Agentziak ohartarazi ostean
Laudioko Udalak herritarren datuak tratatzeko modua aldatu beharko du. | Ikusi handiago | Argazki originala

Laudioko Udalak dagokion batzordean landuko du Datuen Babeserako Euskal Agentziak bidalitako oharra. Alderdi guztiei adieraziko die udal gobernu taldeak gertatutakoa, baita zer aldaketa eman beharko diren horrelakorik ez errepikatzeko.

Izan ere, hedabideek zabaldu dute 2018ko martxoan Amurrioko Epaitegiak zenbait informazio eskatu ziela udaleko zerbitzu sozialei, dibortzio baten testuinguruan. Arduradunek balorazio psikosoziala bidali zuten, galdetutakoa erantzun gabe. Ondorioz, Datuen Babeserako Euskal Agentziak gogoratu dio udalari horrelako prozeduretan beharrezkoa den informazioa besterik ez dela zabaldu behar.

Gauzak hala, ostiralean Jon Ander Altube alkateordeak azaldu zuen konfiantza osoa dutela erakundeko teknikariengan, baina aldaketak egingo dituztela agentziaren eskaera betetzeko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa