Emakume Master Cupeko pilotariekin partidak antolatu ditu Aretako Gazte Asanbladak

Izar Mendiguren Cosgaya 2019ko martxoaren 19a
Deskargatu Info Ahotsak :

Urduñan eta Orozkon egin ziren, besteak beste, Emakume Master Cup txapelketako partidak. / Aiaraldea

Ostiralean izango da jaialdia Aretako frontoian. Gentzane Aldaik eta Patri Espinarrek hartuko dute parte, besteak beste. 

Aretako Gazte Asanbladak emakumeen pilota jaialdia prestatu du ostiral honetarako. 19:30ean hasiko dira partidak. Lehenbiziko norgehiagoka eskuz binakakoa izango da. Leire Garai eta Arrate Bergarak Gentzane Aldai eta Nora Mendizabal izango dituzte aurkari. Ostean, lau t'erdikoan arituko dira Patri Espinar eta Olatz Arrizabalaga. 

Emakume Master Cup txapelketako pilotariek hartuko dute parte, beraz, ekimenean. Batetik, Leire Garaik (Egungo txapeldunak) eta Patri Espinar txapeldunordeak. Eta, bestetik, Gentzane Aldaik, Arrate Bergarak, Nora Mendizabalek eta Olatz Arrizabalagak. Aretako Gazte Asanbladak adierazi duenez, sarreren  prezioa borondatea izango da. 

Kirola Laudio Areta

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide