aiaraldea.eus

Emakume Master Cupeko pilotariekin partidak antolatu ditu Aretako Gazte Asanbladak

Erabiltzailearen aurpegia Izar Mendiguren Cosgaya   Kirola  Laudio  Laudio: Areta

Ostiralean izango da jaialdia Aretako frontoian. Gentzane Aldaik eta Patri Espinarrek hartuko dute parte, besteak beste. 

Emakume Master Cupeko pilotariekin partidak antolatu ditu Aretako Gazte Asanbladak
Urduñan eta Orozkon egin ziren, besteak beste, Emakume Master Cup txapelketako partidak. / Aiaraldea | Ikusi handiago | Argazki originala

Aretako Gazte Asanbladak emakumeen pilota jaialdia prestatu du ostiral honetarako. 19:30ean hasiko dira partidak. Lehenbiziko norgehiagoka eskuz binakakoa izango da. Leire Garai eta Arrate Bergarak Gentzane Aldai eta Nora Mendizabal izango dituzte aurkari. Ostean, lau t'erdikoan arituko dira Patri Espinar eta Olatz Arrizabalaga. 

Emakume Master Cup txapelketako pilotariek hartuko dute parte, beraz, ekimenean. Batetik, Leire Garaik (Egungo txapeldunak) eta Patri Espinar txapeldunordeak. Eta, bestetik, Gentzane Aldaik, Arrate Bergarak, Nora Mendizabalek eta Olatz Arrizabalagak. Aretako Gazte Asanbladak adierazi duenez, sarreren  prezioa borondatea izango da. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa