Katuxa Ibarran kokatuta dagoen industriaguneko enpresa bateko alarma aktibatu zen ostiralean, 15:30ak aldera. Horren ondorioz, Ertzaintzaren patruila bat bertaratu zen eta bi gazte ikusi zituen bost bat metroko teilatu moduko hesi baten gainetik jauzi egiten.
Poliziak azaldu duenez, hasiera batean ihes egiteko saiakera egin zuten adingabeek, baina ertzainek gelditzeko agindu zieten eta hala egin zuten.
Poliziak adierazi du jarraian adin txikikoen motxilak miatu zituztela eta kobre-bilkari zigilatua topatu zietela. Antza, 17 urteko gazteek leiho bat baliatuta lapurtu zuten objektua.
Horren ondorioz, indarra erabilita lapurreta egitea egotzi zien Ertzaintzak. Hori bai, 20:00ak aldera adinez txikiak euren tutore legalen esku utzi zituen poliziak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
