Gaztela-Leoiko Taekwondo Txapelketan lehiatu dira Laudioko Taekwondo Klubeko kideak. Banaka zein taldeka gailendu dira bertako zenbait kirolari.
Banakako lehian Ainare Vega Larreategik eta Olga Gutierrez Garridok urrezko domina eskuratu zuten, eta June Ibarra Diazek zein Ainara Vivanco Oribek zilarrezkoa. Itxasne Gonzalez Campollok, Yerai Alonso Ruizek eta Iker Pelaz Garciak, aldiz, brontzezko sariarekin zapaldu zuten podiuma.
Binakako modalitatean, June Ibarrola Diaz eta Yerai Alonso Ruizek haurren mailako urrezko domina etxeratu zuten, baita Iker Pelazek eta Ainara Vivancok ere. Jesus Martinez Zorrillak eta Olga Gutierrez Garridok osatutako bikoteak, berriz, brontzezko domina jaso zuen.
Bestalde, Siratsek urrezko domina irabazi zuen banakako modalitatean, eta Nahiak brontzezkoa. Hirunakako kategorian, ostera, lehen postua erdietsi zuten Ainarak, Siratsek eta Nahiak, "Bilbao Gimnastico Briviesca eta Olgarekin batera".
Laudioko Taekwondo Klubak sare sozialetan goraipatu ditu haur eta gazteen lanak: "Bilbao Gimnastico Briviescako kideak ere zoriondu behar ditugu, eurekin partekatu baitugu lana eta txapelketa".