Isabel Celaák ziurtatu du egun gutxi barru konponduko dutela behin betiko Nerbioiko saneamenduaren arazoa

Isabel Celaá Hezkuntza Ministroak, Espainiar Gobernuko Bozeramaileak eta Arabako PSOEko Kongresuko hautagaiak ekitaldia egin du gaur Laudion eta aurreratu du hurrengo egunotan adieraziko dutela Nerbioiko saneamendu arazoen konponbidea prest egongo dela.

Gaur eguerdian alderdi sozialistak ekitaldia egin du Laudioko Herriko plazan botoa eskatzeko Kongresu eta Senatuko hauteskundeetan. Cristina Gonzalez Arabako diputatuak hartu du hitza hasieran eta eskuineko alderdien kontra mintzatu da, politika erradikalizatu dutela leporatuta.

Gero Isabel Celaá Hezkuntza Ministroa, Espainiako Gobernuko Bozeramailea eta Kongresurako hautagaia igo da oholtzara. Sozialistek aurreko 7 urteko politikak 8 hilabetetan irauli dituztela goraipatu du, eta azpimarratu du aurrekontu publikoek ematen dutela ongizate estatua hobetzeko, erakutsi duten moduan.

Zentzu horretan, aurreratu du hurrengo egunetan Nerbioi ibaiko saneamendu arazoak konpontzeko behin betiko urratsa emango dutela.

Celaáren arabera, azken urteotan ekonomiak hobera egin arren, aberastasunaren banaketa ez da berdintasunezkoa izan; kontrara, injustizia gero eta agerikoa da. Horren aurka, politika fiskal berriak, gutxiengo soldata profesionala 1128 eurora igotzea, pentsioak indartzea eta hezkuntza zein ikerketa eta garapen inbertsioak igotzea proposatu du. Halaber, ziurtatu du dieselaren ondorioz ez dela enplegua galduko Araban autoen industrian.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide