Polonian daude Laudio BHIko zenbait ikasle, Erasmus+ programaren barruan. Zehazki, Janowiec-eko eskola ezagutzera joan dira. Maiatzaren 14an atera ziren Aiaraldetik, eta 21era arte egongo dira bertan. Udiarraga Abrisketaren esanetan, Gdansen daude, "iparraldean, itsaso baltikoan".
Asteazkenean ongi etorri ekitaldia egin zieten ikastetxean, eta elikagaiei buruzko aurkezpena izan zuten arratsaldean.
Ostegunean, berriz, Bigarren Mundu Gerraren museora gerturatu ziren, Gdanskeko alde zaharra ikusi zuten, baita itsaso baltikoa ere.
Ostiralean, aldiz, bertako historiari erreparatu zioten goizean, eta arratsaldean bizikletaz 20 kilometroko ibilbidea osatu zuten.
Gaur Familia eguna izango dute, eta bihar The Pottery Villagera hurbilduko dira. Arratsaldean, gainera, aisialdirako tartea areagotuko dute, dantzak, musika eta bertako tradizioa izango baitituzte protagonista.
Astelehena izango dute bertako azken eguna, asteartean itzuliko baitira Laudiora.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide