Patinatzaileak eta korrikalariak, Josito Memorialerako prest

Izar Mendiguren Cosgaya 2019ko maiatzaren 28a

Partaideak ateratzeko prest, iazko proban. / Aiaraldea.eus

Ekainaren 9an izango da 10 kilometroko lasterketa. 700 dortsal soilik egongo direla eta, izen-ematea lehenbailehen egiteko eskatu dute antolatzaileek.

Zazpigarrenez egingo dute Jose Manuel Arza "Josito" omentzeko herri lasterketa. Ekainaren 9an izango da, igandez. 11:00etan abiatuko dira partaideak Zumalakarregi etorbidetik, eta 10 kilometroko ibilbidea osatu beharko dute: herrigunetik Gardeara, handik Aretara, eta bertatik irteerara.

"Irteera eta helmuga Laboral Kutxaren parean egongo dira. Partaideei zenbait kirol objektu banatuko zaizkie dortsalarekin batera, babesleen ekarpenei esker". Partaideei dagokienez, 700 pertsonaren muga jarri dute, "1920-2003 urte artekoek soilik hartu ahalko dute parte". Izen ematea internet bidez egin behar da.

Patinatzaileen lasterketa
Korrika ez ezik, patinekin ere osatu ahalko da ibilbidea. Apuntatzeko formulario bera bete beharko dute interneten interesdunek. Ekainaren 7 arte egongo da horretarako parada, baldin eta dortsalak aurrez agortzen ez badira.

Prezioa 10 eurokoa izango da bi kasuetan. Antolatzaileek aurreratu dutenez, dutxatzeko aukera eskainiko dute Granja kiroldegian.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide