Laudioko PSE-EEk oharra plazaratu du bere udal-programan txertatu dituen bi egitasmoren berri emateko. Juanje Merchanek azaldu duenez, 65 urtetik gorakoentzako jangela bat sortzea izango da ekimen horietako bat: “ezgaituak dauden pertsonei, bakarrik bizi direnei edota janaria hartu eta etxera eramatea erosoagoa egiten zaierenei egongo da zuzendua bereziki”.
Horrez gain, osasun zentro berri bat behar dela nabarmendu du alkategaiak, gaur egungo azpiegiturek dauden beharrizanak asetzen ez dituztela argudiatuta. Horretarako, Merchanek uste du udalak Eusko Jaurlaritzari beharrezko lurzorua eskaini behar diola.
Kirol gune berria
Gazteen beharrak ere izan ditu hizpide zerrendaburuak. Bere ustez, beharrezkoa da eurentzako kirol gune berri bat atontzea. “Skate pista berria bat eraiki eta kirol azpiegitura berriak eraiki nahi ditugu”, aurreratu du. Gazteleku “handiagoa” ere ireki nahi dute, espazio eta ekintza gehiago izango dituena.
Merchanek nabarmendu du euren hauteskunde-proposamenak auzokideen beharrei erantzuten dietela eta egingarriak direla.
Nagusientzako jangela eta gazteentzako kirol gune berria ireki nahi ditu PSE-EEk
Gazteleku eta osasun zentro berriak irekitzea ere proposatu du Juanje Merchanek.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide