Prentsa oharra plazaratu du Omniak Udaleko “Hiritargo sailaren” antolaketa proposatzeko. Iragan astean plazaratu zuen alderdi laudioarrak udala berrantolatzeko plana, eta hor aipatu zuen sail berri hori sortzearen ideia. Herriko elkarte eta klubei laguntzea izango litzateke arlo horren zeregin nagusienetako bat. Horrez gain, hainbat espazio atontzea dute buruan alderdi laudioarreko kideek: Jubilatuen Zentro berria eraiki nahi dute udaletxearen alboan, Txikilekuarekin, nerabeentzako topagunearekin eta gazteentzako aisialdi zentro batekin batera.
Gizarte Inklusiorako Mahaia ere jarri nahi dute abian, legealdi osoan gelditua egon dela argudiatuta. Amiantoaren edota etxegabetxeen aurka ere jardungo dutela nabarmendu dute Omniako kideek. Zerbitzu sozialei dagokionez, Aiaraldea hiri-gune izendapena jasotzea bultzatuko dute, zerbitzu gehiago eskuratu ahal izateko. Zentzu horretan, “Aldundia gehiago inplikatu” beharko dela uste dute taldeko kideek.
Parte hartze eta gardentasun araudia ere sortu nahi dute, udalaren webgunearen eta mugikorrerako aplikazioaren bidez. Txakurrei lotutako ordenantza sortu eta espazioak ere atondu nahi dituzte, Nerbioi ibaia eta udalerriko beste errekak garbitzeko plana garatzearekin batera.
Bideo honetan azaldu dituzte aurrera eraman nahi dituzten beste hainbat alor: