Ekaineko lehen hamabostaldian egingo dute Laudioko Garagardoaren ibilbidea. Guztira, 15 tabernek hartuko dute parte aurtengo dinamikan. "Ekainaren 1etik 16ra Laudioko Garagardoaren Ibilbidean hainbat garagardo mota disfrutatu ahal izango dituzu", adierazi du Claudio Perez APILLeko kudeatzaileak. Establezimendu horietan dastatu ahal izango dira garagardo bereziak. Horrez gain, zenbait gauza zozketatuko dituzte partaideen artean: "12 zigiluekin betetzen duten eta ekainaren 18a baino lehen APILL-eko postontzian uzten duten guztien artean, Municheko Oktoberfestera joateko 2 pertsonarentzako bidaia bat zozketatuko da (Araba Bidaiak lagunduta) baita 10 garagardo-sorta ere".
Bestalde, kontsumizio bakoitzaren truke txartel bat eskuratuko du herritarrak 16 garagardo sortaren zozketan parte hartzeko.
Taberna parte hartzaileak
Ondorengoak dira ekimenera batu diren ostalaritza zentroak eta eskainiko dituzten garagardoak:
- Alboka (Complot)
- Aldatz (Leffe Blodn)
- Arrañope (Guinnes Nitro Ipa)
- Azoka (Lagunitas Ipa Barrila)
- Bonaire (Budweiser amerikarra)
- Gorka (San Miguel Magna)
- Haitzulo Barri (Brugse Zot Dubbel barrila)
- Iluntze (Hop house 13)
- Indriska (Magna)
- Kaia (Franziskaner barrila)
- Keska (Dougall's 9)
- Lauri Barria (Oro Bilbao barrila)
- Odeibar (Budeojovicky, Czech Brewed)
- Sorgin (Konig Ludwig barrila)
- Txango (Oro Bilbao barrila)