Andaluziar etxeko jaiak ospatuko dituzte asteburuan

Izar Mendiguren Cosgaya 2019ko maiatzaren 31

Ekintza ugari egingo dituzte Andaluziar Zentroan. / Aiaraldea.eus

Egitarau zabala prestatu du Laudioko Andaluziar Zentroak astebururako.

Ostiralean hasiko dituzte festak, haurrentzako ekintzekin, 19:00etan. Larunbatean, aldiz, egun osoko egitaraua izango dute. 11:00etan ekingo diote egunari gastronomia txapelketarekin. Hain zuzen, 5 modalitate iragarri dituzte: gazpatxoarena, untxiarena, tortilarena, gozoena eta plater librearena. 12:00etan, berriz, igel-toka lehiaketa egingo dute.

Dastaketan zentratuko dira eguerdian. Batetik, 13:00etan, gazpatxo, urdaiazpiko eta ardo dastaketa egingo dute elkartearen atarian. Bestetik, 14:30ean, herri bazkaria egongo da gastronomia txapelketan prestatutako platerekin. Urtean zehar zentroan aritzen diren talde guztiekin dantza eta gitarra festibala egingo dute gauean.

Igandean, ordea, Algazara abesbatzaren laguntzarekin Rocio amabirjinaren omenezko meza egongo da. 12:45ean zaldiekin egingo dute prozesioa, "Rocioko ama birjinaren irudiarekin". 13:30ean agintari, bazkide eta gonbidatuentzat luntxa eskainiko dute, eta 16:30ean Son de Ases taldearen emanaldia.

Kultura Laudio

Erlazionatuak

Andaluzia Eguna ospatu dute gaur

Aitor Aspuru Saez 2019 ots 24 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide