Bisita antzeztuak egingo dituzte berriro Ermualdeko ondarea ezagutzera emateko, ekainean eta utzailean. Laudioko Udalak jakinarazi du emanaldia iazko berdina izango dela. Antzezle profesionalek eskainiko dute ikuskizuna, gida baten laguntzarekin.
Ostiral eta larunbatetan
Antzezlana gazteleraz izango da, baina giden azalpenak euskaraz izango dira saioetako batzuetan. Ekainean ostiraletan egongo da antzezlana ikusteko aukera, 20:30ean. Euskaraz emango dituzte gidek azalpenak ekainaren 7an eta 21ean. 14an eta 28an, aldiz, gazteleraz eskainiko dituzte.
Uztaileko emanaldiak larunbatetan izango dira, 19:30ean. 6koan euskaraz emango dituzte azalpenak, 13an euskaraz, 20an euskaraz eta, amaitzeko, gazteleraz 27an.
Bisitetan parte hartzeko beharrezkoa izango da aurretik izena ematea, Kultura etxera bertaratuta edo 94 403 49 20 telefono zenbakira deituta.
Iaz ekin zion Udalak Ermualden bisita antzeztuak antolatzeari, bertako indusketetan eginiko aurkikuntzak jendarteratzeko asmoarekin. Ekimenak arrakasta handia izan du, orain arte egin diren bisita guztietan jende andana egon baita. Horregatik erabaki dute dinamika berriro martxan jartzea, eguraldi ona baliatuta.