Gizonezko batek ihes egin du Ertzain Etxetik identifikatzen saiatzen ari ziren bitartean, eta geroago atxilotu dute

Erredakzioa 2019ko ekainaren 5a

Gaur goizean izan da atxiloketa. / Aiaraldea.eus

8:00ak baino lehen egin dute atxiloketa ertzainek eta, antza, agintaritzaren aurkako atentatuaren delitua leporatu diote.

Gaur 8:00ak aldera gizon bat atzeman du Ertzaintzak Laudioko tren geltokian. 3 patruilek parte hartu dute atxiloketan. Poliziaren prentsa bulegoak argitu duenez, agintaritzaren aurkako atentatuaren delitua leporatu diote.

Berez, Ertzaintzak 07:15ean ikusi du lehenengo aldiz 24 urteko gizonezkoa A-625 errepidean, Arrankudiaga-Zollon. Poliziak berarekin harremanetan jarri dira, jarrera hori arriskutsua zelako, eta identifikazio agiririk ez zuenez gainean, Laudioko komisariara eraman dute bere nortasuna argitzeko.

Behin Ertzain Etxean, harreran itxaroten zegoen bitartean, gazteak ihes egin du eta Ertzaintzak bera bilatzeari ekin dio. 8:00ak aldera tren geltokian topatu dute. Berriro polizia atzean uzteko saiakera egin du gizonak eta ertzainek harrapatu dute. Tira-biran, Ertzaintzaren arabera, agenteak jo ditu eta horregatik egotzi diote agintaritzaren aurkako atentatuaren delitua.

Printzipioz, arrastatuak ez dauka beste deliturik, baina hori identifikatu ondoren argituko dute.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide