Ekainaren 28an egingo dute Dantza Egunaren bigarren edizioa
Txabi Alvarado Bañares
2019ko eka. 6a, 07:00
Itxarkundiako, Lautxirrinkako, Gaztela-Leoiko Zentroko eta Baisalako kideak arituko dira dantzan, Izaskun Del Cerrorekin batera.
Dantza Eguna egingo dute datorren ekainaren 28an -ostirala- Laudioko Aldai plazan, arratsaldeko zortzietan. Itxarkundia Dantza Taldeak bideratu du ekimena, eskualdeko hainbat talde eta norbanakorekin batera. “Taldeetako kideek ikasturtean zehar ikasi dituzten koreografiak plazaratuko dituzte”, aurreratu du Aitziber Tempranok. Itxarkundiako kideak nabarmendu duenez, aurten Laudioko Lautxirrinka irristaketa klubeko kideak batu dira egitasmora. Izaskun Del Cerro, Gaztela-Leoiko Zentroa, Itxarkundia eta Baisalako kideak ere arituko dira dantzan.
Bigarren edizioa Iaz egin zuten ekimena lehenbiziko aldiz, apirilean, Dantzaren Nazioarteko Egunaren testuinguruan. “Jendeari asko gustatu zitzaion eta berriro egitea proposatu zuten. Baina apirilean San Prudentzio zubiarekin ezinezkoa zen egitea, horregatik animatu gara orain antolatzera”, azaldu du Tempranok, “ikuskizuna urtero errepikatzea izango litzateke gure asmoa”.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
