Ugarteko jaiekin hasiko da abuztuko ospakizunen maratoia. Uztailaren 31n -asteazkena- hasiko dira Laudioko auzo horretako festak, eta igandera arte -abuztuak 4- luzatuko dira.
Egitarau oparoa prestatu dute jai batzordeko kideek egun horietarako. “Atzoko gazteak” izango dira lehen eguneko protagonistak. Eurentzako bazkaria eta dantzaldia egongo dira, besteak beste. Abuztuaren 1ean, aldiz, Umeen eguna izango da: puzgarriak tailerrak, buruhandiak, pailazoak eta talo tailerra egongo dira.
Tokiko produktuen azoka, herri kirolak, umeentzako ekintzak eta beste hainbat jarduera antolatuko dituzte
Ostiralean ere goizetik gauera arte luzatuko da programa. Bolo eta kalba erakustaldia egongo da goizeko hamaiketan eta beste hainbat jarduera egongo dira jarraian: pilota partidak, igel toka txapelketa eta buruhandiak, besteak beste. Gauean, aldiz, kontzertuek hartuko dute protagonismo guztia. Oraindik ez dituzte oholtzara zein talde igoko diren zehaztu, baina hiru izango direla aurreikusi dute: eskualdeko talde bat, erromeria eta DJa.
Larunbat eta igandean
Larunbateko kontzertuak, aldiz, zehaztuagoak daude. Las Tea Party DJek girotuko dute gaua, beste talde batekin eta erromeriarekin batera. Aurretik, baina, hainbat ekintza egingo dira auzoan: LaudiOn Egin elkartearen azoka, poteoak, bazkaria eta herri kirolak.
Igandean amaituko dira jaiak. Eguerdiko hamabietan tortilla lehiaketa egingo dute. Mus azkar txapelketa, umeentzako tailerrak eta odoloste jana egongo dira gero, jaien amaierako traka baino lehen.
EGITARAU OSOA
Uztailak 31, asteazkena
12:00 // Txupinazoa
12:00 // Txori kantarien lehiaketa
12:30 // Meza
13:15 // Poteoa Arloteekin
14:00 // Atzoko gazteen bazkaria
17:00 // Dantzaldia Otegirekin
Abuztuak 1, osteguna: Umeen Eguna
17:00-19:00 // Puzgarriak eta umeentzako tailerrak
18:00 // Buruhandiak
19:00 // Pailazoak
20:00 // Talo tailerra
Abuztuak 2, ostirala
11:00 // Bolo eta kalba erakustaldia
11:30 // Pilota partidak
16:00 // Igel toka Txapelketa
17:00 // Buruhandiak
19:00 // Asierren erakusketa
22:30 // Kontzertuak: Eskualdeko taldea, erromeria eta DJa
Abuztuak 3, larunbata
11:00 // Azoka:
LaudiOn egin
13:00 // Poteoa Aretako trikitilariekin
14:30 // Bazkaria
16:30 // Poteoa batukadarekin eta dantza plaza
18:00 // Herri kirolak
22:30 // Kontzertua, erromeria eta Las Tea Party DJs
Abuztuak 4, igandea
12:00 // Tortilla lehiaketa
16:00 // Mus azkar txapelketa
17:30 // Umeentzako tailerrak
21:00 // Odoloste jana
00:00 // Jaien amaiera traka