Araba Explorer programaren saria eskuratu dute Iván Palominok (Enpresen Zuzendaritzako eta Kudeaketako ikaslea UPV/EHUko Arabako Campusean), Iker Torrecillak (Enpresen Zuzendaritza eta Kudeaketako ikaslea Deustuko Unibertsitatean) eta Sergio Hospital industria-mekatronikariak.
Explorer Arabak ideia berritzaileak aitortzen ditu eta 3 gazte laudioarrek "T Safe" sistema garatu dute trenbideetan harrapaketak ekiditeko. Trenbideko operadoreen konpainiei zerbitzua emateko sortu dute. Ez bakarrik pertsonek mina hartu ez dezaten, baita enpresek atzerapenak eta zerbitzu etenaldiak saihesteko ere.
Sillicon Valleyra
Explorer Arabaren lehen saria bidaia bat da Silicon Valleyra (munduko berrikuntza-ekosistemarik handiena), hurrengo azaroan burutuko dena. Hiru laudioarren artean erabaki beharko dute nor joango den Estatu Batuetara. Esperientzia horren helburua da gazte ekintzaileak inspiratzea eta prestatzea, euren startup-ak azkarrago garatzeko. Horretarako, konexioak emango zaizkie euren proiektuak nazioartean zabaltzeko eta finantzazioa bilatzeko.
San Frantziskon eta inguruan garatuko den agenda horrek masterclass-ak barne hartzen ditu ospe handiko unibertsitateetan, Singularity University edo Standford-en, adibidez. Ildo beretik, zenbait bilera izango dituzte inbertsiogileekin, eta bisitak egingo dituzte teknologiaren alorreko puntako enpresetara, hala nola Google, Facebook, LinkedIn edo Airbnb-ra.
Gainera, proiektuak aurkeztuko dituzte egileek 2019 Explorer Programaren erakunde laguntzaileetako ordezkariz osatutako epaimahai baten aurrean. Hiru ekintzailerik onenek zuzkidura ekonomikoa jasoko dute (30.000, 20.000 eta 10.000 euro) euren proiektuak azkartzeko.