aiaraldea.eus

Eskualdeko 9 borrokalari igoko dira larunbatean Granja Kiroldegian jarriko duten ringera

Erabiltzailearen aurpegia Aitor Aspuru Saez   Kirola  Laudio

Larunbatean K-1 eta Kick Boxing borrokaldia egongo da Laudioko Granja Kiroldegian eta eskualdeko hainbat kirolari lehiatuko dira.

Eskualdeko 9 borrokalari igoko dira larunbatean Granja Kiroldegian jarriko duten ringera
Leire Torresek debuta egingo du. / L. T. | Ikusi handiago | Argazki originala

Larunbatean 18:00etan abiatuko da Garaiezinak borrokaldiaren II. edizioa. 30 kirolari egongo dira aurrez aurre ring gainean eta lehenengo 3 borrokak erakustaldiak izango dira junior kategorian. Horren ostean, 18:30ak aldera, abiatuko dira norgehiagoka amateurrak.

Berez, Aiaraldeko 9 kirolari arituko dira: Andoni Perez eta Yeray Carrasco juniorrak, Leire Torres, Zigor Zorrilla, Igor Barbara, Jorge Bengoa eta Jagoba Pazos. Horiek guztiak Hajime Klubekoak dira, antolatzailea, alegia. Gainera, Oscar del Valle eta Ivan Villegas Chock Dee klubeko kideek ere borrokatuko dute. Iñaki Gartzia laudioar gazteak ere parte hartu behar zuen ekitaldian, baina lesioa izan zuen duela gutxi entrenamenduetan.

Sarrerek 12 euro balio dute aurretik eta 15 euro Granja kiroldegiko leihatilan. 688 64 49 53 telefono zenbakira deituta eskatu daitezke. Horrez gain, Aiaraldea.eus-ek bi sarrera zozketatuko ditu ostiralean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa