Iazko eskema jarraituko du ekimenak: abuztuaren 16an egingo da Laudioko jaietan, goizez eta arratsaldez.
Erraldoiketaren bigarren edizioa egingo dute Sorginlarren elkarteko kideek datorren abuztuaren 16an, Laudioko jaien baitan. Iazko edizioak arrakasta handia izan zuen, baina aurten egitarau xumeagoa prestatu dute. “Egitaraua apur bat luzatu nahi genuen baina, hainbat arazo medio, ez dugu lortu nahi genuen Erraldoiketa egitea”, azaldu dute Sorginlarreko kideek.
Hiru talde batuko dira erraldoi eta buruhandi mitologikoen topaketan: Bidasoako erraldoiak, Sorginlarren eta Galtzagorri. 12:30ean abiatuko da lehen kalejira, Herriko plazan amaituko dena. Haurrentzako jolasak egongo dira bertan, eta “erraldoien dantzaldia” egingo dute. Bazkaria izango dute gero, taldeetako kide eta laguntzaileekin. “Ostean ekingo diogu arratsaldeko kalejirari, bostetan. Ondoren, egunari amaiera emateko, familia argazkia aterako dugu”.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
