Ekaitza baino lehenago lehertu da festa Aretan. Sokaren kalejira egin dute beroketa gisa: Laudiotik Aretara kantatzen eta dantzatzen bertaratu dira herritarrak. Aretako Jai Batzordearen kamiseta gorriak soinean, musikaz girotuta osatu dute bidea. Hala, 19:00etan elkartu dira Kultura Etxe inguruan guztiak, txupinazoari ekiteko.
Aurtengo omenduak Aretako haurrak izan dira. Izan ere, Pinpili aisialdi taldearen sorrerarekin batera, protagonismoa merezi zutela ebatzi zuen jai batzordeak. Balkoira igo diren umeetako bik irakurri dute mezua, txosnagunea eta barrakak irekitzear zeudela iragartzeko. Horrez gain, jaietan lagun artean egoteko aukera ugari daudela ekarri dute gogora, "guk ere koadrilan gehiago jolasteko denbora izango dugu".
Aretako buruhandiak atera dira segidan, Aretako txistularien laguntzarekin. Gauargi erromeriaren ondotik, Aiaraldeko DJ topaketa izango da gaur gaueko musika eskaintza txosnagunean.
Argazkiak: Izar Mendiguren Cosgaya eta Urtzi Laburu
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide