aiaraldea.eus

Zaku bete domina ekarri du Aimar Amondok euskal selekzioarekin Europako Junior Pilota txapelketatik

Erabiltzailearen aurpegia Izar Mendiguren Cosgaya   Kirola  Laudio
Zaku bete domina ekarri du Aimar Amondok euskal selekzioarekin Europako Junior Pilota txapelketatik

Aimar Amondo pilotari laudioarra aritu da, besteak beste, Portugalen izandako Europako Junior Pilota txapelketan.

Portugalen izan da Aimar Amondo pilotari laudioarra Euskal selekzioarekin. Europako Junior Pilota txapelketan aritu da lehiatzen. Modalitate ezberdinetan aritu dira euskaldunak, eta domina ugari etxeratu dituzte: joko internazionalean mutilek zein neskek brontzezko domina eskuratu dute, eta Portugaleko Pilota modalitatean urrea. Wallball deitzen diote eskupilotaren aldaerari nazioartean, eta adinaren arabera hiru kategoriatan lehiatu dira: sub15, sub17 eta sub19 ataletan, hain zuzen. Horrez gain, beste hiru pilota kiroletan aritu dira gazteak: Llarguesen, joko internazionalean eta Portugaleko pilota delakoan. Portugaleko pilotan urrezko domina eskuratu dute nola neskek hala mutilek, eta gainontzeko bi jokoetan brontzezkoa.

Domina zaparrada, Euskal Herrira

Emaitzei dagokienez, domina ugari hurbildu dituzte etxera euskal pilotariek. Neskek bi brontzezko domina lortu dituzte sub15 eta sub17 mailetan; eta 19 urtez beherakoetan, aldiz, zilarrezko saria jaso dute. Mutilek, berriz, brontzezko dominak irabazi dituzte sub15 eta sub19 kategorietan, sub17an laugarren geratu direlarik.

Hemen ikusi liteke Aimar Amondok jokatutako partida. Belgikarren kontra galdu zuten, 40-40 zihoazela azken tantoa euren aldekoa izan baitzen:  

Ikusi argazki guztiak handiago

Zaku bete domina ekarri du Aimar Amondok euskal selekzioarekin Europako Junior Pilota txapelketatik - 6

Zaku bete domina ekarri du Aimar Amondok euskal selekzioarekin Europako Junior Pilota txapelketatik - 7

Zaku bete domina ekarri du Aimar Amondok euskal selekzioarekin Europako Junior Pilota txapelketatik - 8

Zaku bete domina ekarri du Aimar Amondok euskal selekzioarekin Europako Junior Pilota txapelketatik - 9

Zaku bete domina ekarri du Aimar Amondok euskal selekzioarekin Europako Junior Pilota txapelketatik - 10

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa