Larrialdi Zerbitzuetako 2 anbulantzia eraso dituzte, lan baldintzak salatzeko

Herenegun gauean jasandako erasoa salatu du ELAk. Laudio eta Ugaoko herritarrak zerbitzu gabe geratu ziren sabotaiaren ondorioz.

ELA sindikatuak oharrean azaldu duenez, herenegun goizaldean 2 anbulantziari eraso zioten. Osasun Larrialdietako Garraio Sareko bi ibilgailu kaltetu zituzten erasotzaileek, “zenbait orduz Ugao eta Laudioko milaka herritar zerbitzu gabe utziz”. ELAren ustetan, sabotajeak Larrialdiak enpresaren aparteko lan-saria ez ordaintzeagatik jazo dira, “S.S.G enpresa sevillarraren taldekoa da Osakidetzak azpikontratatutako zerbitzua”. 

Sindikatuak desadostasuna agertu du ekintzekin, nahiz eta langileen “animo egoera, frustrazioa eta inpotentzia” ulertu. “Eusko Jaurlaritzak eskuak garbitu ditu jendarteari eskaini behar dizkion zerbitzu hauen aurrean”, salatu dute, “Larrialdi Zerbitzua ezinbestekoa den eta lehentasuna duen zerbitzua da”.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide