aiaraldea.eus

Udalak jarritako oztopoak salatu eta jai herrikoien aldeko aldarria zabaldu dute Txosna Batzordeko kideek

Erabiltzailearen aurpegia Txabi Alvarado Bañares   Kultura  Laudio

Aldai Plazaren atzean dagoen futbito zelaian egongo da aurten Txosnagunea.

Agerraldia egin du Laudioko Txosna Batzordeak gaur arratsaldean Herriko plazan. Ehundik gora bizilagun bertaratu dira, hainbat eragileetako ordezkariak tartean.

Txosnagunea muntatzeko udalaren partetik jasotako trabak salatu dituzte prentsaurrekoan. Azaldu dutenez, Udal Gobernu Taldeak txosnak lekutik aldatzea eskatu zuen. “Adierazi zutenaren arabera, erabakia irmoa zen eta ez zegoen atzera botatzeko aukerarik. Aipatu behar da erabakia txosnen egitaraua, azpiegitura eta espazio osoa planifikatuta zegoenean heldu zela”.

Nabarmendu dutenez, Txosna Batzordeak beti izan du “irtenbide egoki bat bilatzeko prestutasuna”, Aldai plazan ekintza guztientzako tokia dagoela argudiatuta. Horregatik uste dute udalaren “argudio teknikoen” atzean “erabaki politikoa” dagoela,  “Laudioko txosnen eta, orokorrean, elkartasunean eta atsegin ez dituzten baloreetan oinarritutako praktika kolektiboen aurkakoa”. Hala ere, lanean jarraituko dutela iragarri dute Batzordeko kideek, eta horretara gonbidatu dituzte herriko gainontzeko talde eta norbanakoak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa