Laudioko Txosnetan lapurtu dutela salatu dute

Erredakzioa 2019ko abuztuaren 16a
Deskargatu Info Ahotsak :

Txosna zabalik topatu dute gaur goizeko txanda egitera zioazenek. / Laudioko Txosna Batzordea

Goizeko egitaraua bertan behera utzi behar izan dute gertatutakoaren ondorioz.

Laudioko Txosnetan lapurtzera sartu dira gaur gauean. Goizeko txanda egitera joan direnek zabalik topatu dute txosna. Antza, teilatuko oihala moztuta sartu dira lapurrak.

Salatu dutenez, hainbat gauza lapurtu dituzte: musika jartzeko ordenagailua, alkohol botilak eta kafe makina, besteak beste. Sorginlarren elkartearen itsulapikoak ere ostu dituzte.

Eraso horren ondorioz, goizeko egitarau osoa bertan behera utzi behar izan dute. Aurreratu dutenez, arratsaldean jarduerak normaltasunez garatuko dituzte.

Txosna Batzordeak nabarmendu du ez dutela proiektuaren aurkako inolako erasorik onartuko eta azpimarratu dute gogor jarraituko dutela lanean.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide