Irailaren 21ean ospatuko du Nomeolvides elkarteak bere bosgarren urteurrena

Elikagai bilketak egiten ditu Nomeolvides elkarteak, besteak beste.

Igor Arzuaga, Cuchillo Manteca eta Gwa-Ya taldeek joko dute, besteak beste. Izaskun del Cerrok, aldiz, zunba saioa eskainiko du.

Ongintzazko ekitaldi bat antolatuko du Nomeolvides elkarteak datorren irailaren 21ean bere 5. urteurrena ospatzeko. Aurreratu dutenez, “gustu eta adin guztientzako” ekintzak egingo dituzte. Arratsaldetik gauera arte luzatuko da egitaraua eta ondorengo jarduerak egongo dira, besteak beste: Izaskun del Cerroren zunba saioa, malabare ikastaroa, parrillada eta kontzertuak. Igor Arzuaga, Cuchillo Manteca eta Gwaya taldeak igoko dira Sorgin tabernako oholtzara. Sarrerak 3 euro balioko du.

Antolatzaileek eskerrak eman nahi izan dizkiete eguna antolatzeko lanean diharduten pertsona guztiei. Duela ia bost urte sortu zen Nomeolvides elkarteak eta hainbat ekimen egin ditu “beharrizanak dituzten laudioarrei” laguntzeko. Elikagai bilketa da gehien egiten duten ekimena.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide