Tradizioa eta aldarriak izan dira nagusi Baserritar egunean

Gauza asko gertatu ziren atzo Laudioko jaietan. Goizetik gauera arte luzatu zen egitaraua, makina bat ekintzarekin. Tradizioek pisu handia izan zuten egunean zehar. Tokiko ekoizleen azoka eta euskal dantzen erakustaldia egon ziren goizean, eta artzain txakur erakustaldia, San Roke bolatoki txapelketa eta idi-probak, aldiz, arratsaldean.

Baina aldarriek ere protagonismoa izan zuten, bi ekintzen bidez. Alde batetik, eskualdeko hainbat abeltzainek kotxe eta traktore karabana egin zuten herrigunean barrena, Laudioko hiltegiaren itxieraren aurka protesta egiteko. Bestetik, dozenaka emakume* batu ziren gauean Aiaraldeko Mugimendu Feministak eginiko mobilizaziora. Eraso matxisten edota G7aren aurkako ekintzak egin zituzten bertan, besteak beste.

Argazkiak: Antonio Muñoz, Ruben Ibañez, Uztai Largatxa eta Txabi Alvarado

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide