aiaraldea.eus

Laudioko hiltegia berriz irekitzea eskatu dute Aiaraldeko abeltzain elkarteek

Erabiltzailearen aurpegia Erredakzioa   Jendartea  Laudio

Gaur arratsaldeko seietan Laudioko Udaletxean egingo den osoko bilkurara bertaratzeko deia zabaldu dute. 

Laudioko hiltegia berriz irekitzea eskatu dute Aiaraldeko abeltzain elkarteek
Abuztu hasieran itxi zuten udal hiltegia. / Aiaraldea.eus | Ikusi handiago | Argazki originala

Laudio, Amurrio, Aiara, Urduña, Orozko eta Zeberioko abeltzain elkarteek prentsa oharra plazaratu dute Laudioko hiltegia berriz irekitzea eskatzeko. Irakurketan adierazi dutenez, “kezkaz” bizi dute udalak zifra ekonomikoak baliatzea hiltegiaren jarduera eteteko. “Badakigu hiltegia berriz irekitzeko egin beharreko inbertsioak aipatzen dutena baino askoz txikiagoak direla eta, hein batean, jarduera etearen erabaki azkar, oker eta aldebakarragatik eragindakoak dira koste horiek”.

Salatu dutenez, abeltzainek garraioan hiru astez izango duten gastuaren zenbatekoa inbertsio horiek baino handiagoa izango da. Horrez gain, gogorarazi dutenez, diru-partida bat onartua dago plenoan, inbertsio hori egitea ahalbidetuko lukeena.

Horregatik, abeltzainen elkarteek “argi” utzi nahi izan dute “zenbakiek ematen dutela” eta hiltegiak eskaintzen duen zerbitzu publikoaren garrantzia jarri dute mahai gainean. Euren hitzetan, horrelako azpiegiturak “funtsezkoak” dira “eskala txikiko ehun produktiboa mantentzeko”. Horregatik, soluzioak bilatzeko deia luzatu diete arduradun politikoei.

Kotxe eta traktore karabana egin zuten ostiralean hainbat abeltzainek Laudioko erdigunean barrena, Baserritar eguna ospatzen ari zela probesturik:

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa