Sutea egon da bart goizaldean Aretan. Etxebizitza batek su hartu du Atxarte kalean. Ertzaintzak jakinarazi duenez, 1:30 aldera piztu da sua, baina ez da zauriturik egon. Alabaina, bertako bizilagunak zein aldameneko eraikinekoak kalera atera dituzte neurri gisa. "Sua itzaltzean etxeetara iritsi dira gehienak", ezbeharra sortu den eraikinekoak salbu. Guztira 8 lagun kanporatu behar izan dituzte. Kalteei dagokienez, teilatua zeharo kiskalita geratu da. Laudioko eta Langraitzeko suhiltzaileek hartu dute parte ezbeharrean: "Jaso dugun deiak azken solairuaren berri ematen zuen, baina iritsi garenerako teilatua ere sutan zegoen. 07:00ak arte egon gara lanean. Uneotan sutea guztiz itzalita dago". Kalteak oso handiak dira suhiltzaileen esanetan, "azken solairua eta teilatuak ez dute ezertarako balio, eta horrek esan nahi du eraikin osoa kaltetu dela". Udalak ere esku hartu du ezbeharrean: "Zerbitzu teknikoak ari dira eraikina baloratzen kalifikazioa egiteko. Etxebizitza unitate bakarra kaltetu da".
— Arabako Foru Suhiltzaileak (@BomberosAraba) September 3, 2019
Behin-behinean Udalak bideratu die laguntza, Ertzaintzak aurreratu duenez. Sutea dagoeneko itzalita badago ere, goizeko lehen orduetan suhiltzaileen talde bat egon da bertan lanean prebentzio neurri gisa. Lekukoek hedabideari igorri diote eraikinak jasandako kalteen argazkia: