Plazaratu dute dagoeneko Laudioko Euskararen Jaiaren egitaraua. Datorren irailaren 27 eta 28an (ostirala eta larunbata) ospatuko dute, Herriko plazan. Ostegunean, aldiz, Euskaraldiaren aurkezpena egongo da plazako erabilera anitzeko aretoan arratsaldeko 18etan, udaleko Euskara Arloak antolatuta.
Ostiralean umeentzako jarduerak izango dira nagusi, hainbat tailer, jolas eta puzgarri egongo baitira, Diskotxantxaren emanaldiarekin batera. Parrilladarekin eta filma laburren emanaldiarekin girotuko dute iluntzea.
Larunbatean, aldiz, goizetik gauera arte luzatuko da egitaraua, ohiko ekintza sortarekin: tokiko ekoizleen azoka, Urrezko makilaren ekitaldia, dantza erakustaldia, Nafarroa Kanta Taldearen kalejira eta dantza plaza egongo dira, besteak beste.
Herri bazkaria
Plazan egingo den herri bazkaria izango da ekintza jendetsuenetariko bat. Aiaraldea Ekintzen Faktoria arduratuko da otordua prestatzeaz, tokiko elikagai ekologikoak baliatuta. Tiketek 14 euro balioko dute soldata duten pertsonentzat eta 10 euro aldiz, soldatarik ez duten edo egoera prekarioan daudenentzat. Iluntze tabernan edo webgune honetan eskuratu daitezke sarrerak.
Laudioko Gaztetxeko egitaraua
Laudioko Gazte Asanbladak ere hainbat jarduera antolatu ditu larunbat horretarako. Herri bazkaria egingo dute gaztetxean, eta herri olinpiadetan parte hartzeko aukera egongo da gero. Iluntzean, aldiz, Katez, Patx&Run eta DJ Droga Purpura arituko dira gune autogestionatuko oholtzan.
EGITARAUA
Irailak 26, osteguna
18:00 // Euskaraldiaren aurkezpena.Laudio Udalaren Euskara arloak antolatuta
Irailak 27, ostirala
17:30 // Umeentzako tailerrak (Institutuak, Ikastolak, La Milagrosak, Latiorro ikastetxeak eta Basalarrinak antolatuta)
Gaztelu Puzgarriak eta jolasak, Kirikiñok antolatuta
19:00 // Diskotxantxa
20:00 // Parrila jana
20:30 // Filma laburren emanaldia, Lamuza eskolak antolatua
Irailak 28, larunbata
10:00 // Baserritar Azoka, bertoko ekoizleekin
12:00 // Urrezko Makilaren ekitaldia
12:30 // Dantza ikuskizuna, Itxarkundiak antolatua, jarraian kantujira egongo da Nafarroa K.T.taldearekin.
15:00 // Herri bazkaria Aldai plazan. Jarraian euskal kantuak Nafarroa K.T. taldearekin. Aiaraldea Ekintzen Faktoria arduratuko da otordua prestatzeaz, tokiko produktu ekologikoekin. Soldatadunek 14 euro ordaindu beharko dute eta soldatagabeek eta prekarioek, aldiz, 10 euro. Ilargi tabernan edo hemen eskuratu daitezke tiketak.
17:00 // Umeentzako jolasak, Kirikiñok antolatua
18:30 // Dantza plaza, Patxi Perez eta konpainiarekin
20:30 // DJak, jaiaren amaiera