Danbor hotsen eta buruhandien artean hasi dira Latiorroko jaiak

Hasi berri dira Latiorroko jaiak. Latiorro Ikastetxeko ikasle, langile eta gurasoak arduratu dira auzoa danborrekin girotzeaz.

Ondoren eman diete hasiera jaiei, txosnen atzeko zelaian hainbat petardo leherraraziz. Jarraian atera dira Galtzagorri eta Sorginlarren taldeen buruhandiak, eta haur zein helduen atzetik abiatu dira kaleetan barrena.

Goizeko ordu txikietara arte luzatuko da gaur jai-giroa. Placton eta Kaotiko taldeek joko dute eta Diskodantza egongo da gero.

Bihar eta etzi ere hainbat ekintza egongo dira:

Irailak 14, larunbata

8:00 // XI. Mendi martxa: Izen ematea txosnagunean. Ohiko ibilbidea egingo da: Elorritxugane-Jesuri (Santa Marinan hornidura)

11:00 // Puzgarriak, umeentzako tailerrak eta jolasak

11:30 // Pilota erakustaldia
Latiorro eskolako frontoian

12:00 // Igel txapelketa Arantzar plazan

12:00 // Laudioko Musika Bandaren kalejira

14:30 // Herri bazkaria Pagolar kalean. Txartelak salgai auzoko tabernetan. Bazkalostean (16:30etik aurrera) Herri Bingoa eta Olinpiadak egongo dira

16:30 // Mus txapelketa

21:00 // Akelarre dantza taldearen erakustaldia

22:30 // Kontzertuak: “JATORRIZ” ERROMERIA, ENKORE eta DISKODANTZA

Irailak 15, igandea

8:00 // Latiorroko XXX. Marmitako txapelketa

13:00 // Kazolen aurkezpena

13:00 // Euskal Dantzen erakustaldia Itxarkundia dantza taldearekin

14:00 // Zozketa eta sari banaketa

15:00 // Marmitako bazkaria

19:00 // Txokolate jana

20:00 // Jai amaiera

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide