46.000 euro lortuko ditu udalak mendi publikoetako pinudiak ustiatuta

Bi enpresa arituko dira mendi publikoetako pinudiak ustiatzen. / Aiaraldea

Birlandatzera bideratu du tokiko erakundeak diru hori.

Mendi publikoetako pinudien ustiapena esleitu du Laudioko Udalak. Bost kontratu lizitatu ditu guztira: 3 enpresa bati eta 2 beste bati.

Horren trukean, enpresek 46.000 euro emango dizkiote guztira udalari. “Hala ere, tokiko erakundeak ez du negoziorik egiten pinudien esplotazioa esleituta, lortzen den dirua birlandatzera bideratzen delako”, zehaztu du Ander Larrinagak.

Gainera, datorren urtean birlandatze lan nabarmena egin beharko dutela aurreratu du zinegotziak, “instituzioek erritmoa azkartzea eskatu digutelako”.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide