Latiorrondon, Landaluzen eta landa eremuan ur horniketa sareak hobetzeko obrak esleitzeko prozedura hasi dute

Aitor Aspuru Saez 2019ko urr. 2a, 17:00

Latiorron egingo dituzte zenbait lan. / Aiaraldea.eus

1.797.195 euro inguru balioko dute lanek. Diru-laguntza handia izango dute obrek, Arabako Foru Aldundiko 2018-2019 Foru Planean jasota baitaude.

Laudioko Udalak esleipen prozesua hasi du ur horniketa sarea hobetzeko herriko zenbait puntutan. 1.797.195 euroko inbertsioa izango da guztira. Hori bai, Arabako Foru Aldundiko 2018-2019 Obren Foru Planean jaso zutenez, "%80ko diru-laguntza izatea" aurreikusi dute tokiko erakundean.

Berez, urte amaieran esleitzea espero dute eta bi kontratutan banatuko dira obrak. Alde batetik, Latiorron 1.191.895,59 euroko gastua egingo da.

Bestalde, Landaluzen -Larrazabalgo bidegurutzera arte-, Markuartuko bidean eta Goikoplazan, Telleria Etxean eta Tubacex enpresako ingurutan ere hodi zaharrak aldatuko dituzte. Horrez gain, ur horniketa baserri batera eramango da, Malkuartun. Lan horien balioa 605.299,92 eurokoa izango da.

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide