Ia milioi erdi euro baliatuko dituzte ikastetxeetan hainbat obra egiteko

Txabi Alvarado Bañares 2019ko urriaren 4a

Fabian Legorburuko fatxada berrituko dute, besteak beste.

Latiorron, Heldunetzako Ikastetxean, Lamuzan eta Fabian Legorburun egingo dituzte lanak. Eusko Jaurlaritzak jarriko du diru gehiena (%60), eta udalak gainontzekoa.

495.000 euro baliatuko dituzte Laudioko hainbat ikastetxeetan obrak egiteko. Eusko Jaurlaritzako Hezkuntza Sailak finantzatuko du gehiengoa (%60). Gainontzeko dirua udalak jarriko du.

Aretako Fabian Legorburu ikastetxean 108.000 euro inbertituko dituzte eraikinaren fatxada berritu eta kirol zelaien argiteria hobetzeko. Bi kantxak aldi berean erabili ahal izatea ahalbidetuko dute obrek.

Latiorron 57.000 euro inbertituko dira jolastoki estaliko hezetasunak kentzeko. Horrez gain, beste 256.000 euro baliatuko dituzte irakasleen gelako eta guraso elkartearen eraikineko irisgarritasuna hobetzeko, eta Menendez Pidaleko eraikinari igogailua jartzeko.

Helduentzako Ikastetxean ere hainbat lan gauzatuko dituzte. Eraikinaren sarrerako pergola kenduko dute, esaterako, segurtasun irizpideak betetzen ez dituelako. Sabaian ere berrikuntzak egingo dituzte, hezetasunak dituelako.

Lamuza Ikastetxean, aldiz, saskibaloi kantxako zorua konponduko dute.

Politika Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide