aiaraldea.eus

Granja Kiroldegiko kantxa batean partida ofizialak eten eta premiazko obrak egingo dituzte

Erabiltzailearen aurpegia Aitor Aspuru Saez   Kirola  Laudio
Granja Kiroldegiko kantxa batean partida ofizialak eten eta premiazko obrak egingo dituzte

Eskubaloi, futbol areto eta hockey kantxako partida ofizialak bertan behera utzi dituzte Granja Kiroldegian, kalteen ondorioz. Azpiegitura konpontzeari ekingo diote hurrengo astean.

Granja Kiroldegiko eskubaloi, areto futbol eta hockey pista konponduko dute hurrengo astetik aurrera. Soladura altxatu beharko dute horretarako.

Berez, PVCko azalera apurtzen eta irekitzen hasi da zenbait puntutan. Hori dela medio, kantxako erdiguneko zati bat hesitu da eta erabiltzaileek saihestu behar dute.

Horrez gain, irailaren hasieran utzi zioten partida ofizialak jokatzeari, kirolarien osasuna ezin baitute bermatu egoera horretan.

2017an konpondua
Bi urte baino gutxiago igaro dira kantxa berritu zenetik. Horretarako, 2017ko abenduan PVC estaldura jarri zen, mantenua errazten zuelako.

Joseba Amondo Zerbitzu eta Auzo zinegotziak esan duenez, “udaletik behin eta berriro ahalegindu gara duela bi urte kantxa aldatu zuen Galiziako Oziona Soluciones de Entretenimiento S.L. enpresarekin harremanetan jartzen, baina ezinezkoa izan zaigu”.

Esleipenaren unean enpresak fidantza aurkeztu zuen 76.230 euroko obra egiteko, "baina “jarritako kopurua ez da nahikoa konponketa lanei aurre egiteko”, esan du zinegotziak.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa